Mancomunidad de la Comarca de Pamplona

Mancomunidad de la Comarca de Pamplona

Albisteak RSS
Garraioa
2020/12/16

Eskualdeko Hiri Garraioak ez du gaueko zerbitzua emango abenduaren 24ko eta 31ko gauetan

Linea bakoitzeko azken bidaiaren irteera gutxi gorabehera 21:00etara aurreratuko da bi egun horietan

COVID-19aren pandemiak eragindako mugikortasun-murrizketek eragina izango dute Eguberrietako egun hauetarako aurreikusitako Eskualdeko Hiri Garraioaren zerbitzuan.

Hartara, abenduaren 24an eta 31n ez da gaueko zerbitzurik izango.

Beste alde batetik, aurreko urteetan bezala, Gabon-gauean eta Urtezahar-gauean, autobusek azken irteera 21:00ak aldera egingo dute abiaburu-geralekuetatik.  

Gainera, Eguberri-eguneko eguneko zerbitzua 10:00etan hasiko da, azken urteetan egiten ari den moduan.

Azkenik, nabarmendu behar da, eskaera handiagoa izango dela aurreikusten denez, errefortzu-autobusak sartuko direla zerbitzuan, hala egitea beharrezkoa den lineetan.

Herritarrei aldaketa hauen berri emateko, informazio zehatza duten abisuak jarriko dira geralekuetan, eta horrez gain Eskualdeko Hiri Garraioaren webgunean (www.infotuc.es) eta “Tu Villavesa” aplikazioan kontsultatu ahal izango dira.

 

 

 

Beste albiste batzuk

  • Horiek egiten ari diren pertsonek etxera joateko hitzordua eskatzen dute objektu bat entregatzeko, bi euro ordaindu ondoren
  • Eskaintzak 1.500 erreserba baino gehiago ditu dagoeneko, 32.000 parte-hartzailerentzat
  • European Week for Waste Reduction ekimenaren webgune ofizialean eman du izena Mankomunitateak, ekintzen garatzaile moduan