Mancomunidad de la Comarca de Pamplona

Mancomunidad de la Comarca de Pamplona

Albisteak RSS
Ibai parkea
2021/03/01

Eskaut talde bat garbiketan aritu da Arga ibaiaren ertzetan

Zortzi gaztek eta bi monitorek askotariko materialak bildu zituzten Burlatako Intxaurdiaren inguruan

Atzo, igandea, Mikael eskaut taldeko 15 eta 16 urte arteko zortzi gazte, bi monitorek lagunduta, 10:30 aldera elkartu ziren Burlatako Intxaurdi parkean, Arga ibaiaren ibilguan eta ertzetan garbiketa-lanak egiteko, Iruñerriko Ibai Parkean. Jarduketa hori, hain zuzen, Iruñerriko Mankomunitatearekin elkarlanean egin zen, Mankomunitateak lana erraztu baitzuen, bilketarako materiala emanda.

Bi orduan lanean aritu ondoren, 30 metro eskaseko zati batean, Burlatako Zubi Zaharretik gertu, taldeko neska-mutilek material ugarirekin betetako bederatzi poltsa elkartzea lortu zuten, besteak beste, plastikoz, kortxoz, oinetakoz eta jostailuz beteak. Halaber, tamaina handiko materiala jaso zuten, adibidez, paletak, zura eta pneumatikoak.

Mikael eskaut taldea Iruñeko San Antonio elizari lotuta dago eta 27 urteko ibilbidea du. Boluntariotzako beste ekintza batzuen artean, “enpresa jarduera” izenekoa egiten du hiru hilean behin eta helburuak hainbat izaten dira. Oraingo honetan, eskaut taldearen lanaren onuradunak Iruñerriko Ibai Parkea eta Arga ibaiaren Burlatako ingurunea izan ziren. 

Beste albiste batzuk

  • Erakundeak iraunkortasunarekin duen konpromisoa nabarmendu du Campiónek, bere jarduketa guztiak markatzen dituena
  • Parte hartzeko, Mankomunitatearen webgunean izena eman behar da: www.mcp.es
  • Gainera, gaueko zerbitzuaren ordutegia pandemiaren aurreko bera izatera itzuliko da